Меморандум за соработка

Потпишувањето на Меморандумот беше спроведено за време на посетата на директорката на хрватскиот Депозитар г-ѓа Дора Матошиќ по повод одбележувањето на значаен јубилеј - 20 години од основањето на македонскиот Депозитар.

 

Со потпишувањето на Меморандумот, двата депозитари, како клучни столбови на пазарите на капитал во Република Северна Македонија и Република Хрватска, ја потврдија заложбата за силна регионална соработка со цел придонесување кон стабилен, модерен и развиен пазар на капитал во двете земји.

 

 

Подрачјата на соработка кои се опфатени со потпишаниот Меморандум се однесуваат на развој на технологии и воведување на деловните процеси во депозитарите во согласност со европските и меѓународни регулативи, стандарди и најдобри практики во областа, подобрување на квалитетот на услугите за сите учесници на пазарот на капитал, на ефикасен, иновативен и општествено одговорен начин, изнаоѓање на нови деловни можности за понатамошно подобрување и развој на услугите, како и придонес кон стабилноста на пост-трговската инфраструктура како заштитен механизам на пазарот на капитал, со цел зачувување на интегритетот на Депозитарите и довербата на учесниците на пазарот на капитал дека трансакциите со хартии од вредност се извршуваат правилно и навремено.

 

 

Извршната директорка на Централниот депозитар за хартии од вредност, г-ѓа Даринка Дамјановиќ, истакна дека имајќи ја предвид стратегиската определба на нашата држава да стане членка на Европската Унија, од осбено значење е веќе востановената соработка со депозитарите од државите во регионот, особено соработката со депозитарите од државите од регионот кои се веќе членки на Европската унија. Потпишувањето на овој меморандум е потврда на заложбите на двете институции за размена на искуства особено од аспект на примена на европските ррегулативи кои имаат влијание во начинот на нивното функционирање и се насочени кон хармонизација на работењето на пост-трговските институции во Европската Унија.